اسپیکر قومی اسمبلی شہبازشریف پر مہربان

اسپیکر قومی اسمبلی نے یہ فیصلہ کارروائی اور طریق کار کے تحت کیا: فائل فوٹو

اسلام آباد: اسپیکر قومی اسمبلی اسد قیصر نے اجلاس میں شرکت کے لیے شہبازشریف کے پروڈکشن آرڈر جاری کردیئے۔

نیب نے آشیانہ اقبال ہاؤسنگ اسکیم کیس میں سابق وزیراعلیٰ پنجاب شہبازشریف کو گرفتار کر رکھا ہے اور وہ جسمانی ریمانڈ پر نیب کی تحویل میں ہیں۔

آشیانہ ہاؤسنگ کیس: شہباز شریف 10 روزہ جسمانی ریمانڈ پر نیب کے حوالے

مسلم لیگ (ن) نے شہبازشریف کی گرفتاری کے بعد قومی اسمبلی کا اجلاس بلانے کے لیے اسپیکر قومی اسمبلی اسد قیصر کے گھر جاکر انہیں ریکوزیشن جمع کرائی تھی اور اپوزیشن لیڈر کے پروڈکشن آرڈر جاری کرنے کا بھی مطالبہ کیا گیا تھا۔

جیونیوزکےمطابق اسپیکر قومی اسمبلی اسد قیصر نے سابق وزیراعلیٰ پنجاب اور قومی اسمبلی میں اپوزیشن لیڈر شہبازشریف کی اجلاس میں شرکت یقینی بنانے کے لیے پروڈکشن آڈر جاری کردیئے۔

شہبازشریف کے پروڈکشن آرڈر کا عکس

اسپیکر قومی اسمبلی نے یہ فیصلہ کارروائی اور طریقہ کار کے تحت کیا، قواعد کے تحت اسپیکر کسی بھی زیر حراست رکن اسمبلی کو اجلاس میں طلب کر سکتا ہے۔

پروڈکشن آرڈر میں کہا گیاہے کہ اسپیکر قومی اسمبلی ضروری سمجھتے ہیں کہ اسمبلی اجلاس میں اپوزیشن لیڈر کی شرکت ضرورت ہے اس لیے انہیں طلب کیا گیا ہے لہٰذا ان کی حاضری یقینی بنائی جائے اور جب اجلاس ختم ہوجائے تو نیب انہیں دوبارہ تحویل میں لے سکتی ہے۔

آپ کےلیے تجویز کردہ خبریں‎‎