علی جہانگیر صدیقی کی بطور سفیر تقرری کے خلاف درخواست مسترد

اسلام آباد ہائیکورٹ نے علی جہانگیر صدیقی کی امریکا میں بطور سفیر تقرری کے خلاف درخواست مسترد کردی ۔

اسلام آباد ہائی کورٹ کے جسٹس اطہر من اللہ نے تقرری کے خلاف درخواست مسترد کی۔

درخواست گزار کے وکیل نے اپنے دلائل میں کہا کہ علی جہانگیرسول سرونٹ نہیں،یہ تعیناتی قانون کے مطابق نہیں ہے، اس پر جسٹس اطہرمن اللہ نے ریمارکس دئیے کہ یہ سیاسی تعیناتیاں ہیں وزیراعظم کسی کو بھی تعینات کرسکتا ہے۔

جسٹس اطہر من اللہ نے کہا کہ قانون بتائیں سول سرونٹ کے علاوہ سفیرتعینات نہیں ہوسکتا،یہ ایگزیکٹو کا اختیار ہے وہ کرسکتے ہیں، چیف ایگزیکٹیو نے کچھ سوچ سمجھ کر ہی لگایا ہو گا، یہ عدالت پارلیمنٹ کو کوئی ہدایت نہیں دے سکتی۔

آپ کےلیے تجویز کردہ خبریں‎‎