کوئٹہ میں تیز رفتار گیس میٹرز کی پُھرتیاں

کوئٹہ میں سردیوں کی آمد کے ساتھ ہی شہری پریشان ہوگئے،تیز رفتار گیس میٹر زکی وجہ سے گیس بلوں میں تقریبا دگنا اضافے کی شکایات موصول ہورہی ہیں، نئے ڈجیٹیل میٹرز پر بھی لوگوں کو شکوک و شبہات ہیں۔

گیس پریشر میں کمی لیکن میٹر کی خوب تیزی،نئے میٹروں نے کوئٹہ والوں کو پریشان کردیا،بلوں نے ایسی چھلانگ لگائی کہ سب نے کانوں پر ہاتھ رکھ لیے۔

سما سے بات کرتے ہوئے ایک صارف کا کہنا تھا کہ میں کوئی فیکٹری چلا رہا ہوں 25 ہزار روپے کا بل میں کہاں سےدوں گا،98 ہزار روپے ہمارا بل آیا ہے ابھی جب درستگی کے لئے جائیں گے تو گیس کا عملہ حیلےبہانے کرے گا ، بل جمع نہیں کروائیں گے تو گیس کا میٹر کاٹ دیں گے۔

کوئٹہ میں ٹھنڈ سے بچاؤ کیلئے گیس کے ہیٹر ہی یہاں کے لوگوں کا واحد آسرا ہوتے ہیں ،نئے میٹرز اور اضافی قیمتوں نےلوگوں کو ابھی سے متبادل ذرائع ڈھونڈنے پر لگادیاہے۔

صارفین کہتے ہیں کہ گیس کمپنی کو چاہیے کہ یہ گیس میٹر تبدیل کریں پرانے میٹر زیادہ بہتر تھے ،گیس کے میٹربہت تیز چلتے ہیں ہم کیا کریں ہم مجبور ہیں۔

دوسری طرف سوئی گیس حکام کہتے ہیں کہ پرانے میٹرز کی مدت پوری ہوگئی تھی اس لیے انہیں تبدیل کیا جارہا ہےنئے میٹرز سے متعلق موصول ہونے والی شکایتوں کا جلد ازالہ کیا جائے گا۔

آپ کیلئے تجویز کردہ خبریں‎‎

?>