کیلیفورنیاکےجنگلات میں لگی آگ سے9 ہلاک، ہالی وڈ شخصیات سمیت 6 ہزارسےزائد گھرتباہ

کیلیفورنیا میں 3 مختلف مقامات پر دو روز سے لگی آگ پر اب تک قابو نہیں پایا جاسکا—۔فوٹو/ بشکریہ سی این این

امریکی ریاست کیلیفورنیا کے جنگلات میں لگنے والی خوفناک آگ کے نتیجے میں 9 افراد ہلاک جبکہ 6 ہزار سے زائد گھر تباہ ہوگئے۔

دوسری جانب حکام نے ہالی وڈ کی کئی اہم شخصیات سمیت ڈیڑھ لاکھ افراد سے گھر خالی کرالیے ۔

امریکی نشریاتی ادارے سی این این کی رپورٹ کے مطابق کیلیفورنیا میں 3 مختلف مقامات پر دو روز سے لگی آگ پر اب تک قابو نہیں پایا جاسکا، پولیس حکام کے مطابق جنگل میں لگی آگ آبادی کی جانب تیزی سے بڑھ رہی ہے۔

بیوٹے کاؤنٹی شیرف، کوری ہونیا کے مطابق شمالی کیلیفورنیا میں لگنے والی آگ نے علاقے کے 80 سے 90 فیصد گھروں کو اپنی لپیٹ میں لیا، جس کے نتیجے میں 9 افراد ہلاک ہوئے جبکہ 35 افراد لاپتہ ہیں۔

شدید آگ نے سیکڑوں گاڑیوں کو بھی جلا کر خاکستر کردیا—۔فوٹو/ بشکریہ سی این این

دوسری جانب قصبے پیراڈائز سے 26 ہزار افراد کو ہنگامی بنیادوں پرنقل مکانی کرنا پڑی جبکہ یہ قصبہ جل کر خاکستر ہوگیا ہے۔

آگ نے اب تک کئی ہزار سے زائد مکانات، اسکولوں اور اسپتالوں کو اپنی لپیٹ میں لے لیا ہے۔

دوسری جانب لوگ سوشل میڈیا پر آگ سے ہونے والی تباہی کی ویڈیوز بھی پوسٹ کر رہے ہیں۔

View this post on Instagram

We have made it out of town but it was a scary AF trip. I cannot believe this new town that I have fallen madly in love with is on fire. There is a beautiful church with a tiny vineyard and I saw the fire creeping close to it. I love this town so much. I haven’t felt so much at home since I was a kid growing up in Broken Arrow, OK. . #oakpark #thousandoaks #fire

A post shared by Christy Dawn Little (@christydawnlittle) on Nov 8, 2018 at 11:58pm PST

ہالی وڈ شخصیات کے گھر بھی آگ کی زد میں

دوسری جانب ہالی ووڈ شخصیات کے محل نما گھر بھی آگ کی لپیٹ میں آرہے ہیں۔

آگ کے نتیجے میں دھویں کے بادل اٹھتے ہوئے دیکھے جاسکتے ہیں—۔فوٹو/ بشکریہ سی این این

کیٹ لین جینر کا گھر آگ کی نذر ہوگیا۔ کم کارڈیشن اور کےنائی ویسٹ کا گھر بھی شعلوں کی زد میں ہے۔

مشہور گلوکارہ لیڈی گاگا کا گھر بھی دھوئیں کے کالے بادلوں میں گھرا ہوا ہے۔

انہوں نے ٹوئٹر پر اپنے پیغام میں فائر فائٹرز، پولیس اور ایمرجنسی سروسز کا بھی شکریہ ادا کیا۔

آپ کیلئے تجویز کردہ خبریں‎‎

?>