ماں ملکہ تو بیٹا شہزادہ، شاہ رخ خان کا بیٹے کو پیغام

بالی ووڈ کے بادشاہ شاہ رخ خان نے اپنے بیٹے سے پیار کا اظہار کرتے ہوئے انہیں ’خوش وخرم شہزادہ‘ قرار دے دیا۔

53 سالہ کنگ خان جو کہ اپنی شوخ طبیعت کی وجہ سے لوگوں کے دل جیت لیتے ہیں ، انہوں نے حال ہی میں سوشل میڈیا اکاؤنٹ انسٹاگرام پر اپنے پانچ سالہ بیٹے ابرم کی تصویر شیئر کی ہے۔

تصویر میں دیکھا جا سکتا ہے کہ بچے نے سفید رنگ کی شرٹ پہن رکھی ہے جس پر لکھا ہے’ ماما از مائی کوئن‘ یعنی ماما میری ملکہ ہیں۔

For all the sons of the world...If your Mama is your Queen then there is no stopping you from being The Happy Prince. ( and an iPad loaded with games helps too )

A post shared by Shah Rukh Khan (@iamsrk) on Nov 9, 2018 at 9:01am PST

شاہ رخ خان نے یہ تصویر شیئر کرتے ہوئے پوسٹ میں لکھا کہ ’ دنیا کے تمام بیٹوں کے لئے ۔۔اگر تمہاری ماں تمہاری ملکہ ہے تو دنیا کی کوئی طاقت تمہیں شہزادہ بننے سے نہیں روکے گی۔

سوشل میڈیا پر باپ بیٹے کا یہ پیار سب جانتے ہیں ، دونوں نے سماجی رابطہ ویب سائٹ انسٹا گرام پر حسین لمحات کو یادگار بنایا ہوا ہے جس میں سے یہ ایک پوسٹ تھی۔

شاہ رخ خان کی بہترین پوسٹ میں سے ایک ’ فادرز ڈے‘ کے حوالے سے ہے جس میں ابرم نے ان کے لئے بنائے گئے کارڈ کی تصویر شیئر کی تھی۔

Notwithstanding that the kids had no other option & yeah I admit maybe there is just a hint of a bias here...this kinda completes a fathers life.

A post shared by Shah Rukh Khan (@iamsrk) on Jun 17, 2018 at 2:18am PDT

واضح رہے اداکار نے گوری خان سے 1991 میں شادی کی تھی، ابرم کے علاوہ ان کے دو اور بچے ہیں ۔شاہ رخ خان آج کل اپنی نئے آنے والی فلم زیرو کی ریلیز کا انتظار کر رہے ہیں جس میں ان کے ساتھ کترینہ کیف اور انوشکا شرما بھی ہیں۔

آپ کیلئے تجویز کردہ خبریں‎‎

?>