عافیہ کی بقیہ سزا اگر یہاں پوری ہو تو ان کی فیملی کو سہولت مل جائے گی، وزیر خارجہ

ملکوں کے درمیان سودے نہیں ہوتے، شکیل آفریدی سے متعلق ہمارا اپنا مؤقف ہے کہ انہوں نے پاکستان کے مفادات کے خلاف کام کیا، شاہ محمود قریشی— فوٹو: فائل

ملتان: وزیرخارجہ شاہ محمود قریشی کا کہنا ہے کہ امریکا میں قید عافیہ صدیقی کی بقیہ سزا اگر یہاں پوری ہو تو ان کی فیملی کو سہولت مل جائے گی۔

عافیہ صدیقی کی مشکلات کم کرنے کی کوشش کریں گے: شاہ محمود قریشی

ملتان میں میڈیا سے گفتگو کرتے ہوئے وزیرخارجہ شاہ محمود قریشی نے کہا کہ ملکوں کے درمیان سودے نہیں ہوتے، شکیل آفریدی سے متعلق ہمارا اپنا مؤقف ہے، ہم سمجھتے ہیں کہ شکیل آفریدی نے پاکستان کے مفادات کے خلاف کام کیا۔

انہوں نے کہا کہ بھارتی سیاستدان پاکستان کو نشانہ بناکر الیکشن جیتنا چاہتے ہیں، مقبوضہ کشمیر میں بھارتی فائرنگ کی مذمت کرتے ہیں۔ ایل او سی پر بھارتی فائرنگ مسئلہ کشمیر سے توجہ ہٹانے کی مذموم کوشش ہے۔ بھارت سیز فائر معاہدے کی خلاف ورزی کررہا ہے۔

شاہ محمود قریشی نے کہا کہ ہماری خواہش اور کوشش ہے کہ افغانستان میں امن قائم ہو، روس بھی خطے کا اہم ملک ہے، روس کو بھی امن مذاکرات میں شامل کرنا چاہتے ہیں، کوشش کررہے ہیں کہ افغان امن عمل کیلئے خطے کی دیگر قوتوں کا تعاون بھی حاصل کیا جائے۔

'نیب انکوائریز سے تحریک انصاف کا کوئی تعلق نہیں'

وزیر خارجہ نے کہا کہ 'نیب کے مقدمات میں انکوائریوں سے تحریک انصاف کا کوئی تعلق نہیں، نیب کے مقدمات تحریک انصاف کی حکومت سے پہلے کے ہیں، نیب آزاد ادارہ ہے ہم کسی بھی طرح اثر انداز نہیں ہوسکتے'۔

ڈی جی نیب لاہور کی ڈگری سے متعلق ہائر ایجوکیشن کمیشن کی قلابازیاں، 3 بار موقف تبدیل

شاہ محمود قریشی نے کہا کہ پیپلزپارٹی اور ن لیگ سے بھی گزارش ہے کہ اپنے مفادات سے بالاتر ہوکر خطے کے مفاد کیلئے سوچیں۔

انہوں نے کہا کہ پیٹرول کی قیمت تب نیچے آئے گی جب خطے کے حالات ٹھیک ہوں گے، ایران کی پٹرولیم ایکسپورٹ متاثر ہو گی تو قیمتیں بھی متاثر ہوں گی۔

وزیر خارجہ نے کہا کہ پاکستان چاہتا ہے کہ یمن میں امن ہو اور غلط فہمیاں دور ہوں۔

'معیشت میں استحکام سے ڈالر کی قیمت کم ہوجائے گی'

شاہ محمود قریشی نے کہا کہ برآمدات بہتر ہوں گے تو زرمبادلہ میں اضافہ ہوگا اور روپے کی قدر بہتر ہوگی، تحریک انصاف کی حکومت کو تاریخی کرنٹ اکاونٹ خسارہ ملا، معیشت میں استحکام آئے گا تو ڈالر کی قیمت کم ہوجائے گی۔

آپ کیلئے تجویز کردہ خبریں‎‎

?>