’’23 جنوری کو منی بجٹ پیش کیا جائے گا‘‘

وفاقی وزیر خزانہ اسد عمر کہتے ہیں کہ 23 جنوری کو منی بجٹ پیش کیا جائے گا۔


وزیر خزانہ اسد عمر نے کراچی چیمبر آف کامرس میں صنعت کاروں سے ملاقات کی، اس موقع پر خطاب کرتے ہوئے انہوں نے کہا کہ ایف بی آر کے ایس آر او کے اجراء کا اختیار ختم کر دیا گیا ہے۔

ان کا مزید کہنا ہے کہ وزیر اعظم عمران خان نے بیرون ملک جانا ہے تو اب 23 جنوری کو فنانس بل پیش کیا جائے گا، منی بجٹ میں ٹیکس ایناملیز کو دور کیا جائے گا۔

اسد عمر نے مزید کہا کہ ٹیکسوں کے حوالے سے ہر قسم کی تبدیلی پارلیمنٹ کی منظوری سے ہو گی۔

اس موقع پر تاجر رہنما سراج قاسم تیلی نے کہا کہ ایف بی آر میں نچلے درجے کے افسروں تک طاقت منتقل کی گئی، ایف بی آر افسروں نے طاقت رشوت لینے کے لیے استعمال کی۔

انہوں نے یہ بھی کہا کہ ایف بی آر کو تالہ لگا دیں، شرطیہ 15 فیصد ریونیو بڑھ جائے گا۔



آپ کیلئے تجویز کردہ خبریں‎‎

مقبول ٹیگ‎‎‎