’’حمزہ شہباز 5 ہفتے پہلے ڈیل کی تلاش میں نکلے تھے‘‘

وفاقی وزیر فیصل واوڈا نے دعویٰ کیا ہے کہ مسلم لیگ نون کے رہنما حمزہ شہباز 5 ہفتے پہلے گاڑی کی نمبر پلیٹ بدل کر اندھیری رات میں ڈیل کی تلاش میں نکلے تھے۔


’جیو نیوز‘ کے پرو گرام ’آپس کی بات‘ میں گفتگو کرتے ہوہئے انہوں نے کہا کہ حمزہ شہباز کو جواب ملا کہ پرانے پاکستان میں وہ فیصلے کرسکتے تھے مگر نئے پاکستان میں صرف عمران خان فیصلے کرتے ہیں، وہی سپریم کمانڈر ہیں۔

مسلم لیگ نون کے رہنما جاوید لطیف نے کہا کہ اگر باس عمران خان ہیں اور اُن کی مرضی کے بغیر فیصلہ نہیں ہوتا تو شور کس بات کا ہے؟ فیصل واوڈا نام بتائیں کہ ڈیل کس سے ہو رہی ہے؟



آپ کیلئے تجویز کردہ خبریں‎‎