آئی ایم ایف سے معاہدے کے قریب پہنچ گئے: وزیر خزانہ اسد عمر

پشاور: (دنیا نیوز) وفاقی وزیر خزانہ اسد عمر نے کہا ہے کہ کرک، لکی مروت اور کوہاٹ میں گیس دریافت ہوئی ہے، بلوچستان سے آنیوالی بیلٹ میں معدنیات کا ذخیرہ ہے، دریافت ہونیوالے قدرتی وسائل پر پہلا حق صوبے کا ہے، آئی ایم ایف سے معاہدے کے قریب پہنچ گئے ہیں.


وفاقی وزیرخزانہ پشاور میں چیمبر آف کامرس سے خطاب کر رہے تھے، ان کا کہنا تھا کہ ایران اورافغانستان کےساتھ تجارت بڑھانےکی ضرورت ہے، خطے کے تمام ممالک کے ساتھ اچھے تعلقات چاہتے ہیں، ترکی اور ایران کو گیس منصوبوں میں شامل کرنا چاہتے ہیں۔ افغانستان میں قیام امن کیلئے ہر ممکن کردار اداکر رہے ہیں۔ طور خم بارڈر 24 گھنٹے کھلنا چاہیے، تجارت بڑھے گی تو برآمدات میں اضافہ ہو گا جس سے پاکستان کی معیشیت مضبوط ہو گی۔

وزیرخزانہ اسد عمر نے مزیدک کہا کہ کرک،لکی مروت اورکوہاٹ میں گیس دریافت ہوئی ہے، بلوچستان سے آنے والی بیلٹ میں معدنیات کا ذخیرہ ہے۔ انھوں نے کہا کہ خیبرپختونخوا میں سیاحت کو فروغ دینے کی ضروت ہے، ٹیکس نیٹ بڑھائے بغیر ملک ترقی نہیں کر سکتا، آئی ایم ایف سے معاہدے کے قریب پہنچ چکے ہیں۔



آپ کیلئے تجویز کردہ خبریں‎‎