’الہ دین‘ کے نئے ٹیزر میں جنی کے کردار کی دھوم

امریکی کمپنی ڈزنی کی کامیاب کارٹون فلم ’الہ دین‘ کا ریمیک بننے کے اعلان کے بعد سے ہی ہر کسی کو اس فلم کے ٹریلر کا انتظار ہے، تاہم فلم ساز اس کے ٹیزر ہی ریلیز کررہے ہیں۔


گزشتہ سال اس فلم کا پہلا ٹیزر سامنے آیا تھا، جس نے مداحوں کو کافی متاثر کیا تھا۔

جبکہ چند روز قبل سے فلم کے کردار کی تصاویر بھی سوشل میڈیا پر وائرل ہورہی ہیں، جس کے بعد ہر کوئی فلم میں ول سمتھ کے کردار کو دیکھنا چاہتا تھا۔

ول سمتھ اس فلم میں جنی کا کردار نبھاتے نظر آئیں گے، اور اب نئے ٹیزر کے ساتھ ان کے کردار کو بھی سامنے لایا چکا ہے۔

اس نئے ٹیزر میں فلم کے تمام اداکار الہ دین، جاسمین، جنی اور جعفر کے کرداروں کو پیش کردیا گیا۔

ٹیزر میں دکھایا گیا کہ جعفر الہ دین سے چراغ لانے کا مطالبہ کرتا ہے، جس کے بعد الہ دین چراغ حاصل کرکے اس ہر ہاتھ پھیرتا ہے جس کے بعد جنی سامنے آجاتا ہے۔

اس ٹیزر میں جاسمین کے کردار کو بھی پیش کیا گیا۔

خیال رہے کہ فلم میں الہ دین کا مرکزی کردار کینیڈین اداکار مینا مسعود ادا کریں گے، برطانوی اداکارہ ناومی سکاٹ فلم میں 'جاسمین' بنیں گی، جبکہ ول سمتھ فلم میں 'جنی' کا کردار کرتے نظر آئیں گے۔

فلم الہ دین کی ہدایات گائے ریچی دے رہے ہیں، جسے رواں سال 24 مئی کو سینما گھروں میں نمائش کے لیے پیش کیا جائے گا۔



آپ کیلئے تجویز کردہ خبریں‎‎