ملتان، گیس نایاب، لائنوں سے پانی نکل آیا

ملتان میں سوئی گیس کی پائپ لائن سے گیس کی بجائے پانی نکلنے لگا ، علاقہ مکینوں کی جانب سے بارہا سوئی نادرن گیس حکام کو درج شکایت پر بھی کوئی عمل درآمد نہ ہو سکا ۔


ملتان میں حضوری باغ کے علاقہ میں سوئی گیس کے پائپ سے پانی کا بہنا شروع ہو گیا ہے ، علاقہ مکینوں کا کہنا ہے کہ تمام دن ان کے گھروں اور گلیوں سے سوئی گیس کی شدید بدبو آتی ہے ، جبکہ گھر کے پانی میں بھی گیس کی بدبو شامل ہوتی ہے۔

علاقہ مکینوں نے بتایا کہ اب گیس کے پائپ سے پانی بہتا ہے ، گزشتہ کئی روز سے اس حوالے سے سوئی نادرن گیس کو شکایات درج کروائیں تاہم کوئی نمائندہ نہیں آیا۔

صارفین نے بتایا کہ تمام دن گیس غائب رہتی ہے اور اب اگر گیس جلائیں تو چولہوں میں بھی پانی ہی نکلتا ہے لیکن گیس کے ماہانہ وقت پر موصول ہو جاتے ہیں ۔

علاقہ مکینوں کا کہنا تھا کہ سوئی نادرن گیس حکام گیس کی پائپ لائن میں واسا کی پائپ لائن ملنے پر حرکت میں آئیں اور ان کا مسئلہ حل کریں ۔



آپ کیلئے تجویز کردہ خبریں‎‎