جیکب آباد: 10 سالہ بچی کا قتل، ملزمان کو عمر قید کی سزا

جیکب آباد کے ڈسٹرکٹ اینڈ سیشن جج نے 10 سالہ بچی کے قتل ملزمان کو جرم ثابت ہونے پر عمر قید اور 2،2 لاکھ جرمانے کی سزا سنادی۔


ڈسٹرکٹ اینڈ سیشن جج منور علی لودھی نے قتل کے 3 مجرمان غلام نبی سہندڑو، منٹھار سہندڑو اور احمد سہندڑو کو عمر قید اور 2،2 لاکھ جرمانے کی سزا کا حکم سنایا

مجرمان نے 2016 میں تحصیل ٹھل کے تھانہ سی سیکشن کی حدود میں قائم گاؤں حمل سہندڑو میں 10 سالہ بچی صبیحہ ولد عبد السلام کو اغوا کیا تھا۔

پولیس کے مطابق مذکورہ بچی کو اغوا کرنے کے بعد اس کے کانوں سے سونے کی بالیاں اتار کر اس کا قتل کردیا تھا۔

پولیس نے بچی کے والد عبدالسلام کی مدعیت میں قتل کا مقدمہ درج کرکے تفتیش کا آغاز کیا تھا۔

دوران تفتیش پولیس نے چھاپہ مار کارروائی کرتے ہوئے مجرمان کو گرفتار کیا تھا جن کی نشاندہی پر بچی کی لاش برآمد کیا گیا تھا۔



آپ کیلئے تجویز کردہ خبریں‎‎