حج اخراجات میں اضافہ مجبوری ہے: وزیراعظم عمران خان

وزیراعظم نے راولپنڈی میں مدر اینڈ چائلڈ اسپتال کے قیام کی منظوری دی: ذرائع۔ فوٹو: فائل


اسلام آباد: وزیر اعظم عمران خان کا کہنا ہے کہ سعودی عرب میں حج اخراجات میں 35 فیصد اضافہ ہو چکا ہے جس کی وجہ سے حج اخراجات میں اضافہ مجبوری ہے۔

وزیراعظم عمران خان سے راولپنڈی ڈویژن کے ارکان قومی اسمبلی نے ملاقات کی جس میں کئی امور پر تبادلہ خیال کیا گیا۔

ذرائع کے مطابق وزیراعظم نے راولپنڈی میں مدر اینڈ چائلڈ اسپتال کے قیام کی منظوری دی۔

وفاقی کابینہ نے حج پالیسی منظور کر لی، حاجیوں کو سبسڈی نہ دینے کا فیصلہ

ذرائع نے بتایا کہ وفاقی وزیر ریلوے شیخ رشید نے نالہ لئی ایکسپریس وے اور اسپتالوں کے مسائل سے آگاہ کیا جس پر وزیراعظم نے پنجاب حکومت کے ساتھ مل کر مسائل حل کرنے کی یقین دہانی کرائی۔

ذرائع کا کہنا ہے کہ ملاقات میں وزیراعظم عمران خان نے ارکان قومی اور صوبائی اسمبلی کو فنڈز دینے کی یقین دہانی کرائی اور ساتھ یہ بھی کہا کہ مقامی حکومتوں کے فعال ہونے کے بعد ارکان اسمبلی کو ترقیاتی فنڈز نہیں ملیں گے۔

حج کے 70 فیصد اخراجات سعودیہ میں آتے ہیں جن پر ہمارا کنٹرول نہیں: علی محمد خان

ذرائع کے مطابق ملاقات میں حج سبسڈی پر بھی گفتگو کی گئی۔

وزیراعظم عمران خان کا کہنا تھا کہ سعودی عرب میں حج اخراجات میں 35 فیصد اضافہ ہو چکا ہے جس کے باعث حج اخراجات میں اضافہ مجبوری ہے۔

وزیر اعظم نے کہا کہ جانتا ہوں کہ حج کیلئے لوگ سارا سال پیسے جمع کرتے ہیں لیکن حکومت کو ہر روز قرضوں پر 6 ارب روپے سود ادا کرنا پڑتا ہے۔



آپ کیلئے تجویز کردہ خبریں‎‎