سوشل میڈیا کے دور میں نیشنل ازم کو ابھارنے کی ضرورت ہے،جنرل زبیر محمود حیات

جوائنٹ چیفس آف اسٹاف جنرل زبیر محمود حیات کا کہنا ہے کہ دور بدل گیا ہے اور اب سوشل میڈیا کا دور ہے، ہمیں نیشنل ازم کو ابھارنے کی ضرورت ہے۔


کراچی میں انسٹیٹیوٹ آف بزنس ایڈمنسٹریشن (آئی بی اے) کے آڈیٹوریم منعقدہ پاکستانیت کانفرنس سے خطاب کرتے ہوئے انہوں نے مارچ کے مہینے کی اہمیت پر روشنی ڈالی اور کہا کہ 23 مارچ کو قرارداد پاکستان منظور ہوئی تھی، مارچ میں پاکستان بننے کاآغاز ہوا اس لئے یہ مہینہ نہایت اہمیت کا حامل ہے۔

ان کا کہنا تھا کہ ’پاکستان کی بات شروع ہی قائد اعظم محمد علی جناح سے ہوتی ہے، پاکستان کا بننا ایک جدوجہد کا نتیجہ ہے اور آج اس کا جھنڈا نوجوان نسل کے ہاتھ میں ہے‘۔

انہوں نے کہا کہ نظریہ پاکستان سب سے مضبوط نظریہ ہے، پاکستان وجود میں آنے کے بعد دنیا میں نئی سوچ نے جنم لیا تھا۔

انہوں نے مزید کہا کہ ’ترقی یافتہ قوموں نے بھی غلطیاں کیں ہیں جنگ لڑنے کے باوجود امریکہ افغانستان میں اپنے مقاصد حاصل نہیں کرسکا‘۔



آپ کیلئے تجویز کردہ خبریں‎‎

مقبول ٹیگ‎‎‎