شائقین پی ایس ایل کی فوجی کیپ پہننے کی خواہش پر آئی ایس پی آر کا ردعمل

پاک فوج کے ترجمان پی ایس ایل فائنل میں شائقین کی فوجی کیپ اور شرٹ پہننے کی خواہش پر ٹویٹر پیغام جاری کردیا، کہتے ہیں کہ شائقین کو فوجی کیپ اور شرٹس پہننے کی اجازت ہے تاہم کھیل کو سیاست سے بالاتر ہونا چاہئے۔


انہوں نے کہا کہ مسلح افواج عوام کی محبت اور حمایت پر ممنون ہے، پی ایس ایل فائنل میں شائقین کو آرمی کیپ اور شرٹ پہنے دیکھنا چاہتے ہیں۔

میجر جنرل آصف غفور کا کہنا ہے کہ پیارے پاکستانیو! پاک فوج آپ کی محبت اور حمایت کی قدر کرتی ہے، یقین ہے آپ کا اور ہمارا تعلق ان چیزوں سے بالاتر ہے، روشنیوں کے شہر میں کھیل سے کھیل کے طور پر ہی لطف اندوز ہوں۔

پاکستان پر فضائی حملے کی کوشش ناکام ہونے کے بعد بھارتی کرکٹ ٹیم نے اپنے فوجیوں کا مورال بڑھانے کیلئے آئی سی سی کی اجازت سے آسٹریلیا کیخلاف آخری دو ون ڈے میچز میں فوجی ٹوپیاں پہن کر شرکت کی تھی۔

سرحد پر ناکامی کے بعد بھارتی کرکٹ ٹیم بھی فوجیوں ٹوپیاں پہن کر دونوں میچز بری طرح ہار گئی تھی، پاکستانی نژاد آسٹریلوی کرکٹر عثمان خواجہ کے حملے بھارتی بولرز سہ نہیں پائے، دونوں میچز میں انہوں نے سنچریاں اسکور کی تھیں۔



آپ کیلئے تجویز کردہ خبریں‎‎

مقبول ٹیگ‎‎‎