سابق برطانوی کپتان الیسٹر کک نے ایک اور اعزاز حاصل کر لیا

الیسٹر کک 'سر' کا خطاب حاصل کرنے والے گیارہویں برطانوی کرکٹر ہیں—.فائل فوٹو/ رائٹرز


لندن: انگلینڈ کرکٹ ٹیم کے سابق کپتان الیسٹر کک نے 'سر' کا خطاب اپنے نام کرلیا، جن کا نام ملکہ برطانیہ الزبتھ دوم کی سال نو کی اعزازی فہرست میں شامل ہے۔

الیسٹر کک 'سر' کا خطاب حاصل کرنے والے گیارہویں برطانوی کرکٹر ہیں، اس سے قبل یہ خطاب ’ٹور دی فرانس‘ کے فاتح جیرینٹ تھامس، برطانوی فٹ بالر گیرتھ ساؤتھ گیٹ اور ہیری کین کو بھی مل چکا ہے۔

واضح رہے کہ الیسٹر کک نے رواں برس ستمبر میں بھارت کے خلاف ہوم سیریز کے آخری ٹیسٹ میچ کے بعد ریٹائرمنٹ کا اعلان کردیا تھا۔

الیسٹر کک کا کرکٹ سے ریٹائرمنٹ کا اعلان

الیسٹر کک کا کہنا تھا کہ وہ انگلینڈ کی جانب سے انٹرنیشنل کرکٹ نہیں کھیلیں گے تاہم کاؤنٹی کرکٹ میں ایسیکس ٹیم کی نمائندگی کرتے رہیں گے۔

سابق کپتان نے انگلینڈ کی جانب سے 160 ٹیسٹ، 92 ون ڈے اور 4 ٹی ٹوئنٹی میچز کھیلے ہیں اور ٹیسٹ کرکٹ میں 12 ہزار 254، ون ڈے میں 3 ہزار 204 اور ٹی ٹوئنٹی میں 61 رنز اسکور کیے ہیں۔



آپ کیلئے تجویز کردہ خبریں‎‎