کامیابی کا راز کیا ہے؟ وزیراعظم عمران خان نے بتا دیا

معیشت کے استحکام سے ملک ترقی کرتا ہے، وزیر اعظم — فوٹو: پی آئی ڈی


اسلام آباد: وزیراعظم عمران خان نے کہا ہے کہ کامیابی کا راز ہے کہ غلطیوں سے سیکھا جائے۔

انہوں نے کہا کہ کامیابی کا راز ہے کہ غلطیوں سے سیکھا جائے اور پاکستان میں اب تک جو غلطیاں ہوئیں اسے ٹھیک کرنا چاہتے ہیں۔

ان کا کہنا تھا کہ چھوٹی اور درمیانے درجے کی صنعتوں کو بہتر بنانا ہے جب کہ ماضی میں برآمدات اور تجارت کیلئے سوچا ہی نہیں گیا۔

اسلام آباد میں فیڈریشن آف پاکستان چیمپبر آف کامرس انڈسٹری (ایف پی سی سی آئی) کی تقریب سے خطاب میں عمران خان کا کہنا تھا کہ الیکشن جیتنے کے بعد جلسوں کو یاد کرتا ہوں اور آج پنڈال بھرا ہوا اچھا لگ رہا تھا۔

انہوں نے کہا کہ معیشت کے استحکام سے ملک ترقی کرتا ہے، تاجروں کو سہولیات دینے کیلئے کام کر رہے ہیں۔

وزیراعظم کا کہنا تھا کہ پاکستان کی برآمدات 24 ارب ڈالرز کے قریب ہیں، ہمیں اپنے ذہنوں کو تبدیل کرنے کی ضرورت ہے کیوں کہ ملک میں سرمایہ کاری اور تجارت سے خوشحالی آئے گی۔



آپ کیلئے تجویز کردہ خبریں‎‎