پاک بھارت مذاکرات کیلیے پاکستان کا ایک اور بڑا اقدام

پاکستان کی جانب سے علاقائی اور خطے میں پرُامن ہمسائیگی کے لیےایک بڑا اقدام اُٹھایا گیا ہے جس کے تحت پاکستانی جیلوں میں بھارتی قیدیوں کو قونصلر رسائی دینے کا فیصلہ کیا گیا ہے۔


سفارتی ذرائع کے مطابق پاکستان کی بھارتی ہائی کمیشن حکام کو 102 بھارتی قیدیوں تک قونصلر رسائی کی اجازت کا حکم دیا گیا ہے جبکہ قونصلر رسائی پانے والے قیدیوں میں 100 کراچی،2 راولپنڈی کی جیلوں میں ہیں۔

سفارتی ذرائع کا کہنا ہے کہ قونصلر رسائی رواں ماہ کے آخر تک دے دی جائے گی۔ اس کے علاوہ ان کا بتانا ہے کہ پاکستانی جیلوں میں 537 بھارتی قیدی موجود ہیں۔

ذرائع کا کہناہے کہ انہیں امید ہے بھارتی جیلوں میں قید 347 پاکستانی قیدیوں کو بھی بھارت قونصلر رسائی دے گا۔



آپ کیلئے تجویز کردہ خبریں‎‎