شردھا کپور کترینہ کیف کے لیے خطرہ بن گئی

بولی وڈ بار بی ڈول کترینہ کیف جو ان دنوں اپنی آنے والی فلم ’بھارت‘ کی شوٹنگ میں مصروف ہیں، گزشتہ برس ان کی ریلیز ہونے والی دونوں میگا بجٹ فلمیں ’ٹھگس آف ہندوستان اور زیرو‘ ناکام ثابت ہوئیں۔


کترینہ کیف جہاں ان دنوں سلمان خان کے ساتھ فلم ’بھارت‘ کی شوٹںگ میں مصروف ہیں، وہیں وہ رواں ماہ آنے والی ڈانس فلم ’اے بی سی ڈی 3‘ کی شوٹنگ بھی شروع کرنے والی تھی۔

اس فلم میں کترینہ کیف کو ایک پاکستانی ڈانسر کا کردار ادا کرنا تھا، تاہم اب ایسا ہوتا نہیں دکھائی دیتا۔

اطلاعات ہیں کہ کترینا کیف آنے والی فلم ’اے بی سی ڈی تھری‘ کا حصہ نہیں ہوں گی اور ان کی جگہ شردھا کپور کو کاسٹ کیے جانے کا امکان ہے۔

رپورٹ کے مطابق کترینہ کیف پروفیشنل اداکارہ ہیں اور وہ کسی کو دھوکے میں رکھنا نہیں چاہتیں، اس وجہ سے وہ ’بھارت‘ کی شوٹنگ میں مصروف ہونے کے باعث ’اے بی سی ڈی تھری‘ کا حصہ نہیں بن سکتیں۔

رپورٹ میں ذرائع سے بتایا گیا کہ اگرچہ تاحال اس حوالے سے کوئی تصدیق نہیں ہوسکی، تاہم اداکارہ نے فلم ’اے بی سی ڈی تھری‘ کی ٹیم کو مصروفیات سے آگاہ کردیا ہے۔

رپورٹ کے مطابق ’اے بی سی ڈی تھری‘ کی شوٹنگ رواں ماہ جنوری سے بھارتی شہر امرتسر سے شروع ہونی ہے، تاہم کترینہ کیف ’بھارت‘ کی شوٹنگ میں مصروف ہیں۔

ذرائع کے مطابق فلم کی ٹیم کترینہ کیف کی جگہ شردھا کپور کو کاسٹ کرنا چاہتی ہے، تاہم اس حوالے سے کچھ بھی کہنا قبل از وقت ہے۔

رپورٹ میں بتایا گیا کہ ’اے بی سی ڈی تھری‘ کی ٹیم کترینہ کیف کی جگہ جیکولین فرنانڈس اور کرتی سونن جیسی اداکاراؤں کو بھی کاسٹ کرنا کا سوچ رہی ہے، تاہم زیادہ تر امکانات شردھا کپور کو کاسٹ کیے جانے کے ہیں۔

خیال رہے کہ ’اے بی سی ڈی تھری‘ 2013 میں ریلیز ہونے والی فلم ’اے بی سی ڈی‘ سیریز کی تیسری فلم ہے۔

اس سیریز کی دوسری فلم 2015 میں ’اے بی سی ڈی 2‘ کے نام سے ریلیز کی گئی تھی، جس میں ورون دھون اور شردھا کپور ایک ساتھ نظر آئے تھے۔



آپ کیلئے تجویز کردہ خبریں‎‎