جنوبی افریقہ کی ساری ٹیم آوٹ، پاکستان کو کتنے رنز کا ہدف ملا؟

جوہانسبرگ: (دنیا نیوز) پاکستان کی جانب سے عثمان شنواری نے شاندار گیند بازی کا مظاہرہ کرتے ہوئے جنوبی افریقا کے 4 بلے بازوں کو پویلین کی راہ دکھائی۔ پروٹیز کی جانب سے ہاشم آملہ 59 جبکہ کپتان ڈوپلیسی 57 رنز بنا کر نمایاں رہے۔


جوہانسبرگ کے میدان میں کھیلے جا رہے چوتھے ون ڈے میچ میں پاکستانی باؤلرز نے جنوبی افریقا کی ٹیم کو کھل کر کھیلنے کا موقع نہیں دیا، پروٹیز کی پوری ٹیم اکتالیس اوورز میں صرف 164 رنز بنا کر واپس لوٹ گئی۔

جنوبی افریقا کی جانب سے اوپنر ہاشم آملہ 59 جبکہ کپتان فاف ڈوپلیسی 57 رنز بنا کر نمایاں بلے باز رہے، ان کے علاوہ کوئی اور بلے باز جم کر پاکستانی باؤلرز کا سامنا نہیں کر سکا۔

پاکستان کی جانب سے عثمان شنوار کامیاب گیند باز رہے جنہوں نے 7 اوورز میں 35 رنز دے کر پروٹیز کے 4 کھلاڑیوں کو آؤٹ کیا۔ دیگر باؤلرز میں شاہین آفریدی اور شاداب خان نے دو، دو جبکہ عماد وسیم اور محمد عامر نے ایک، ایک وکٹ اپنے نام کی۔



آپ کیلئے تجویز کردہ خبریں‎‎