گجرات کی جیل میں قید تحریک لبیک کے رہنما افضل قادری سے متعلق انتہائی تشویشناک خبرآگئی

تحریک لبیک پاکستان کے رہنما افضل قادری کو دل کی تکلیف میں مبتلا ہوگئے ہیں جس کے باعث ان کو ہسپتال منتقل کر دیا گیا ہے.


نجی نیوز میڈیا کے مطابق افضل قادری کو گجرات جیل سے آرمڈ فورسز انسٹی ٹیوٹ آف کارڈیو (اے ایف آئی سی) راولپنڈی منتقل کردیا گیا ہے.

انہیں ڈی ایس پی کھاریاں میاں ارشد ایلیٹ کمانڈوز کی سیکورٹی میں لائے جہاں انہیں ڈھائی گھنٹے تک ایمرجنسی میں طبی امداد فراہم کی گئی.

افضل قادری کو مزید ٹیسٹوں کے لئے ریڈیالوجی ڈیپارٹمنٹ منتقل کرکے چھاتی کے ایکسرے، الٹرا ساونڈ اور سی ٹی اسکین، کئے گئے.

 ابتدائی چیک اپ اور ٹیسٹس کے بعد انہیں اے ایف آئی سی اسپتال میں داخل کرلیا گیا ہے جس کے بعد ان کی سیکورٹی کے لئے راولپنڈی پولیس کو تعینات کردیا گیا اور گجرات پولیس واپس روانہ ہوگئی.

 یاد رہے کہ آسیہ مسیح کی بریت کے خلاف احتجاج کے دوران ہنگامہ آرائی کرنے کے الزام میں خادم حسین رضوی اور پیر افضل حسین قادری سمیت تحریک لبیک کے اہم رہنما بغاوت اور دہشت گردی کے مقدمات میں گرفتار ہیں.



آپ کیلئے تجویز کردہ خبریں‎‎