اہم مسئلے میں حکومت اور اپوزیشن ایک پیج پر

حلف نہ اٹھانے والے چودھری نثار علی خان کو ڈی سیٹ کرنے کیلئےحکومت اور اپوزیشن ایک موقف پر متفق ہوگئے ہیں۔


 پنجاب اسمبلی میں سابق وزیر داخلہ چودھری نثار علی خان کو ڈی سیٹ کرنے کا معاملہ۔ حکومت اور اپوزیشن ایک پیچ پر آگئے۔ حکومتی اور بعض اپوزیشن ارکان کا کہنا ہے چودھری نثار حلف نہ اٹھا کر عوام کے مینڈیٹ کی توہین کر رہے ہیں۔ منتخب ارکان کا حلف نہ اٹھانا بھاری پڑ سکتا ہے۔

اپوزیشن ارکان نے حکومت کے ترمیمی نوٹس کی حمایت کر دی۔ مولانا غیاث الدین اور فقیر حسین ڈوگر کا کہنا ہے کہ اگر کوئی رکن 5 اجلاسوں میں حلف نہیں اٹھاتا تو اس کی رکنیت منسوخ کی جائے۔ارکان اسمبلی نے مزید کہا کہ حلف نہ اٹھانا عوام کی تضحیک اور مقدس ایوان کی توہین بھی ہے۔



آپ کیلئے تجویز کردہ خبریں‎‎