بس بہت ہوگیا۔۔رحم کی بھیک نہیں چاہیے،مریم نواز کا ضبط جواب دے گیا۔۔حکومت پر شدید تنقیدکرتے ہوۓ بہت کچھ کہہ گئیں

والد سے ملاقات کے بعد مریم نواز نے میڈیا سے گفتگو کرتے ہوئے کہا کہ نوازشریف کی تضحیک کی جارہی ہے،ہمیں رحم کی بھیک نہیں چاہیے۔


سابق وزیراعظم میاں نواز شریف کی صاحبزادی مریم نواز نے کہا ہے کہ اُن کے والد کی تضحیک کی جارہی ہے، انہیں ایک ہسپتال سے دوسرے ہسپتال لے کر جایا جاتا ہے، ہمیں رحم کی اپیل نہیں چاہیے۔

مریم نواز کا کہنا تھا کہ نوازشریف کو ایک ہسپتال سے دوسرے ہسپتال لے جایا جارہا ہے،اس شخص کی صحت سے کھلواڑ کیا جارہا ہے جو 3مرتبہ وزیراعظم رہ چکا ہے۔

انہوں نے کہا کہ نواز شریف کے میڈیکل بورڈ حکومت نے خود بنائے، میڈیکل بورڈ میں ہماری طرف سے کوئی شامل نہیں تھا۔

اس سے قبل پنجاب انسٹیٹیوٹ آف کارڈیالوجی کے ڈاکٹرز کی ٹیم نے سروسز ہسپتال کا دورہ کیا جہاں اسسٹنٹ پروفیسر ڈاکٹر عروج نے سابق وزیراعظم کا طبی معائنہ کیا۔

ڈاکٹر نے ادویات کا جائزہ لیا اور ہدایات دیں، پی آئی سی جانے سے انکار کے بعد نواز شریف کو سروسز ہسپتال میں کارڈیک چیک اپ کی سہولت دینے کا فیصلہ کیا گیا تھا۔

آج (جمعرات کو) سابق وزیراعظم اور پاکستان مسلم لیگ (ن) کے تاحیات قائد نواز شریف سے اُن کی والدہ اور صاحبزادی مریم نواز نے سروسز ہسپتال میں ملاقات کی، جس کے بعد انہیں سخت سیکیورٹی میں سروسز ہسپتال سے کوٹ لکھپت جیل منتقل کردیا گیا۔



آپ کیلئے تجویز کردہ خبریں‎‎