ویرات کوہلی نے سچن ٹنڈولکر کا ریکارڈ توڑ دیا

خلیجی خبر رساں ایجنسی کی جانب سے جاری رپورٹ کے مطابق 30 سالہ ویرات کوہلی نے یہ اعزاز 399 اننگز کھیل کر حاصل کیا۔ اس سے پہلے 432 اننگز کے ساتھ یہ ریکارڈ سچن ٹنڈولکر کے پاس تھا۔


بھارتی کرکٹ ٹیم کے کپتان ویرات کوہلی نے کم ترین اننگز میں 19ہزار انٹر نیشنل رنز مکمل کرنے کا سچن ٹنڈولکر کا ریکارڈ توڑ دیا ہے۔

کوہلی نے 19000 انٹرنیشنل رنز کا ریکارڈ آسٹریلیا کے خلاف جاری ٹیسٹ سیریز میں سڈنی کرکٹ گراونڈ میں مکمل کیا۔ واضح رہے کہ سیریز میں بھارتی ٹیم کو 2-1 کی برتری حاصل ہے۔

دونوں ٹیموں کے درمیان تین ون ڈے انٹرنیشنل میچوں کی سیریز کا پہلا میچ 12 جنوری کو سڈنی میں کھیلا جائیگا۔ دوسرا ون ڈے میچ 15 جنوری کو ایڈیلیڈ میں کھیلا جائیگا جبکہ دونوں ٹیموں کے درمیان تیسرا اور آخری ایک روزہ بین الاقوامی کرکٹ میچ 18 جنوری کو میلبورن میں کھیلا جائے گا۔

ایک روزہ بین الاقوامی میچوں کی سیریز کے تینوں میچز ڈے اینڈ نائٹ ہونگے۔



آپ کیلئے تجویز کردہ خبریں‎‎