نواز شریف کو جیل میں کون کونسی سہولیات ملیں گی؟ جانیے

نواز شریف کو جیل میں اخبار بھی فراہم کیا جائے گا: اعلامیہ۔ فوٹو: فائل


احتساب عدالت کی جانب سے العزیزیہ کیس میں 7 سات سزا پانے والے سابق وزیراعظم نواز شریف کو جیل میں بیٹر کلاس دی جائے گی۔

محکمہ داخلہ پنجاب کی جانب سے جاری اعلامیے کے مطابق نواز شریف کو بیرک میں میٹرس کی سہولت فراہم کی جائےگی اور انہیں جیل میں اخبار بھی فراہم کیا جائے گا۔

اعلامیے میں کہا گیا ہے کہ نواز شریف کو بیرک میں دو کرسیوں کے ساتھ ایک چھوٹی میز بھی دی جائے گی۔

اس کے علاوہ نواز شریف کو جیل میں گھر سے برتن استعمال کرنے کی اجازت بھی ہو گی۔

محکمہ داخلہ پنجاب کی جانب سے جاری نوٹیفکیشن میں کہا گیا ہے کہ پاکستان جیل خانہ جات قوانین 1978 کے رول 242 کے تحت نواز شریف کو سہولیات دی گئی ہیں۔

احتساب عدالت نے نواز شریف کو العزیزیہ اسٹیل ملز کیس میں 7 سال قید اور ڈھائی کروڑ ڈالر جرمانے کی سزا سنائی ہے جب کہ انہیں فلیگ شپ ریفرنس میں بری کر دیا گیا ہے۔



آپ کیلئے تجویز کردہ خبریں‎‎